Retrato fotográfico e escrito de Lois Pereiro. Incluído na serie Galegos na escaleira do fotográfo Xurxo Lobato, neste caso con texto de Antón Losada. Publicado orixinalmente en La Voz de Galicia (6 de novembro de 1994), foi compilado un ano máis tarde na obra de Lobato do mesmo título que a serie. O texto de Losada reconstrúe a figura e a poética do autor a partir da súa relación persoal. En ton eloxioso, salienta o seu carácter iconoclasta, así como o particular universo poético creado polo autor a partir da marxinalidade e da rebeldía.