Recensión de Máquina de guerra, de Raida Rodríguez (2009). Comeza cunha reflexión sobre Internet e a poesía a propósito da plataforma Estaleiro Editora (na que a obra foi publicada) e o blog da súa autora Punto de fuga. Cualifícase o libro como unha esculca interior existencial enmarcada nunha asunción posmoderna das limitacións da linguaxe, sobre a que o autor da recensión reflexiona. Saliéntanse ademais a expresión potente e combativa da autora, a proximidade da súa poesía á filosofía e a súa condición vangardista.