Recensión de Manual da destrución, de Samuel L. París, que comeza cunha reflexión sobre a poesía en Internet na que se salienta o novo tipo de lectura que este soporte demanda, así como o seu desaproveitamento por parte de autores e críticos. De Manual da destrución destácase a relación coa cultura popular, a rebeldía, a actitude punki e a vocación de destrución de valores establecidos, que sitúa o seu autor próximo a Raida Rodríguez. A recensión identifica ademais os temas do libro e o seu recurso ao humor e ao xogo verbal.