Recensión de Cultivos transxénicos, de Carlos Negro. Logo de informar da colección de poesía creada para a publicación das obras gañadoras do premio Victoriano Taibo, sitúase o libro na traxectoria poética do seu autor e coméntase o seu regreso á realidade rural galega e, en concreto, a oposición entre identidade e progreso. Identifícase o diálogo que o libro establece co Catecismo do labrego de Lamas Carvajal, así como o seu compromiso e o recurso constante á ironía e á parodia.