LEITO SEN VOZ (iv)
Vós crebastes as augas, e tamén os froitos que non dá tirado o vento. Vós, que viñestes cedo de máis, habedes de aparecer cando todos partan.
Para lembrarme que foi a primeiros de xuño que cavastes a foxa e cubristes con terra do monte os atrancos que sacamos á luz.
Augas perdidas pola casa, que sorbe un cano atopado por azar, que aínda asobían nos cóbados entupidos polas avelaíñas crebadas e deixadas á toa, florecendo de súpeto nunha cal apagada.
Vos crebastes as augas que me surtían e secastes as fontes onde o gado acalmaba a súa sede fecunda, ¿pero quen sodes no trebón que baixa do mar?
[De Eclipse (2001)]
culturagalega.org
Audiovisual | Música | Literatura | Banda deseñada
Subscríbete | Entra no teu perfil | Aviso legal | Licenza de uso | Contacto
Consello da Cultura Galega
Pazo de Raxoi, 2 andar. 15704 Santiago de Compostela (Galicia)
Tfno: 981957202 / Fax : 981957205 / e-mail: redaccion@culturagalega.org