Recensión que enmarca o poemario Makinaria no ronsel dunha tradición futurista, no que á valoración da máquina se refire. Logo dunhas consideracións sobre a necesidade de promocionar a lectura de poesía entre a mocidade, e dunha advertencia acerca da limitación que pode supór o feito de aparecer publicado o libro na colección xuvenil Fóra de Xogo, saliéntase a dimensión narrativa deste. O autor da recensión sinala algúns perigos da escolla temática de Carlos Negro, como son o seu carácter tópico e a limitación das posibilidades de evocación poética, ao tempo que valora a actualización do léxico do mundo do motor levada a cabo na obra.