Presentación global da produción literaria de Xavier Lama con atención especial aos tres libros de poemas publicados: Tigres como Fausto con ollos de bruma (2006), Melancolía líquida da idade das vacas (2008) e Cabalos do alén na cidade das fábulas (2009), todos eles premiados. Concrétase unha lectura centrada nos temas e máis en particular nos mitos recreados por Lama neses tres libros. Outórgase así mesmo relevancia á consideración da paisaxe e á perda das coordenadas da vida rural. E de modo destacado obsérvanse os vínculos que a poética de Lama traza coa tradición literaria occidental (Borges, Goethe, Blake, Berger, Maiakovski, Nabokov, Manuel Antonio, Torga, Heaney...) e con realizacións artísticas moi plurais, sobre todo pictóricas e arquitectónicas.