Feixe de poemas precedido por unha autopoética na que se combinan reflexións, declaracións de intereses e breves textos poéticos en diálogo conxunto. O autor aposta por unha poesía de procura do eu propio, e tamén do nós comunitario. Unha poesía mostrada en termos discursivos como "hipótese de traballo". Non experimenta atracción ningunha Blanco Valdés pola literatura denominada "de compromiso". Tampouco non polas poéticas de escola nin polo simple exercicio estético. Defende que a poesía debe ser un encontro entre autor e lector, sen que medie información de ningunha clase sobre a autoría ou o seu contexto.