Poema-poética que antecede a varios textos poéticos máis do libro que Luísa Villalta estaba a preparar na altura na que entregou estes materiais ao Boletín Galego de Literatura. Trátase do libro En concreto, finalmente aparecido en 2004. A autopoética é unha consideración da memoria e da historia en relación coa música, o tempo, o ritmo, a ideoloxía, as perdas. A intencionalidade expresada no texto consiste en aproximarse a unha poesía do concreto real, afastada de calquera prescrición sobre o correcto e o apropiado para o discurso poéitco. Unha poesía, nese sentido, que se desentende da distinción e das pexas dunha "idade media burguesa".