Análise de Do desexo en corpo e sombra de Miguel Anxo Fernán Vello, libro inicial dunha triloxía que se completa con Seivas de amor e tránsito (o primeiro en ser publicado) e Memorial de brancura. A análise parte dos substantivos do título para ofrecer unha posible lectura da obra que baralla claves como o desexo como ausencia e imposibilidade intrínsecas, ou a palabra poética como creación dunha realidade outra. Dise así mesmo que esa triloxía constitúe un macrotexto coherente e forte.