Traballo panorámico sobre a produción poética galega entre 1975 e 1990. O artigo estuda os fenómenos que se relacionaron co chamado "cambio de rumbo" na poesía. Logo de reflexionar sobre as denominacións empregadas para este período, identifícanse os principais autores, características e publicacións da época. A análise esténdese aos factores que incidiron na difusión e canonización de determinados nomes e estéticas, como os premios, as revistas, as antoloxías e os primeiros estudos.