Nesta comunicación de Paulo Filgueiras Fachas estúdase a obra Sucios e desexados (1988), de Antón Lopo. Presentada no IX Congreso Internacional de Estudos Galegos, pretende relacionar a obra coa teoría queer e, mais especificamente, analizar a destitución das categorías e oposicións da hexemonía heteronormativa. Tamén a propósito das mudanzas que representan os repertorios deste libro en relación coa poesía galega desenvolvida na década de 1980, o autor incorpora ao seu traballo conceptos como os de mobilidade ou nomadismo, aplicados á particular reconstrución da identidade emprendida por Lopo.