Estudo da alternancia [-θjón, -θón] na obra poética galega de Rosalía de Castro. O autor confecciona unha listaxe de palabras, elabora uns comentarios breves sobre o seu étimo, compara os termos cos datos extraídos das fontes medievais e ten en conta as recomendacións da Real Academia Galega e do Instituto da Lingua Galega. Conclúese indicando que Rosalía está, desde o punto de vista da flutuación, máis cerca da preceptiva actual que do galego medieval, a pesar da inconstancia no uso do seísmo e do morfema de plural.