Necrolóxica de Benito Varela Jácome (Soutolongo, 1919 - Santiago de Compostela, 2010), catedrático de Literatura Hispanoamericana na Universidade de Santiago de Compostela, historiador e crítico literario. Entre a súa produción sobre a literatura galega destácanse os libros Historia de la literatura gallega (1950) e Poetas gallegos (1953), así como unha longa serie de artígos e outras publicacións sobre Rosalía, Pondal, Curros, Manuel Antonio ou Cunqueiro entre outros poetas. González Herrán, alumno e posteriormente compañeiro seu no ensino medio e na USC, salienta na súa semblanza a vocación e dotes de Varela Jácome como "profesor de profesores".