A partir da opinión pública, estúdase o período marcado polo levantamento de 1846 e o pronunciamento de 1868. Tendo en conta un dos aspectos máis sorprendentes dos tratados nos medios de comunicación, Xosé Ramón Barreiro explica, en primeiro lugar, a ficción da modernización socioeconómica da sociedade galega. A continuación abórdanse os grandes debates do momento e nos que creceu Rosalía de Castro: a estrutura agraria, a emigración, o capitalismo e a súa crise, a muller e o provincialismo.