Xosé Estévez Rodríguez alude á viaxe de Ricardo Becerro de Bengoa a Galicia en 1883 e explica a visión do observador en varios planos (demográfico, económico, social e lingüístico). Estévez Rodríguez conclúe que a Galicia do século XIX presentada polo vasco tería, entre outras, as seguintes características: poboación rural e pobre a causa dos impostos, chan farturento con abundantes recursos agrícolas e tímida industrialización e a lingua falada maioritariamente sería o galego, a pesar da castelanización do sector feminino de estatus elevado.