Este limiar achega unha valoración de conxunto dos catro artigos que forman o bloque monográfico adicado aos estudos rosalianos no número 194 da revista Grial, feita polas coordinadoras de dito bloque. Máis ca unha descrición do contido dos artigos, o limiar sitúaos, por unha banda, na tradición rosalianística, relacionándoos con liñas xa exploradas e, por outra, utilízaos para debuxar os novos roteiros polos que —en opinión das autoras— debería evoluír a crítica rosaliana, co obxetivo de resolver os desafíos que aínda abre o estudo da súa obra.