Os Encontros Milpedras constitúen un espazo de comunicación natural entre diversas artes, unindo os seus camiños nun fluxo simultáneo onde os espectadores e os participantes aproveitan a enerxía de varios artistas compartida nun mesmo lugar e momento.

A proposta consiste no traballo común de escritores, músicos e artistas plásticos e visuais que queren comunicarse entre si e co público sen intermediarios, aumentando o coñecemento e o diálogo libre entre as diferentes disciplinas artísticas, e ofrecendo ao público interesado unha experiencia nova e enriquecedora.

No evento presentouse oficialmente a Asociación Cultural Encontros Milpedras.

O X Encontro Milpedras contou cos seguintes participantes:

Poesía: Ramiro Torres, Diana Varela Puñal e Arturo Casas

Pintura e artes plásticas: María Martínez e Gosia Trebacz

Música e canto: Dubi Baamonde (saxo, frauta), Tito Calviño (guitarra), Tati Mancebo e María Xosé Silvar ('Sés')

Coordinación: François Davo