Alúdese ao retrato de Rosalía de Castro elaborado por Juan Ramón Jiménez no que funde a poeta coa paisaxe galega. No sentir de Gilbert Azam, a poética da primeira estaba feita para chamar a atención do segundo. Ofrécese algún exemplo do parentesco literario entre os dous poetas e cítanse investigadores que repararon nel.

Despois de manifestar que a obra en castelán de Rosalía é a máis seria e importante do XIX peninsular, conclúese indicando que, como crítico, Juan Ramón integrou a galega no Modernismo e, como poeta, sintonizaron na comuñón espiritual cara á depuración.