Alúdese á poética de Rosalía de Castro e de Manuel Curros Enríquez. Sobre a primeira indícase a clasificacion feita pola propia autora (subxectiva e social) e profúndase en dúas ideas presentes en Follas novas: a suposta inferioridade da muller e a metapoética.
Segundo Delgado Corral, as coincidencias entre os dous poetas serían variadas: a afirmación da finalidade da obra poética, a preceptiva contida na súa obra (a pesar de que Rosalía se afasta ao procurar o significante), a pertenza á modernidade, o compromiso coa realidade galega (malia as diferenzas nos procedementos: aberta en Curros e irónica ou distanciada en Rosalía), a concepción do tempo e da vida como negatividade, o tratamento do desterro, o uso do símbolo da pedra e da ironía "metafísica" cuxo sentimento final é a impotencia.
culturagalega.org
Audiovisual | Música | Literatura | Banda deseñada
Subscríbete | Entra no teu perfil | Aviso legal | Licenza de uso | Contacto
Consello da Cultura Galega
Pazo de Raxoi, 2 andar. 15704 Santiago de Compostela (Galicia)
Tfno: 981957202 / Fax : 981957205 / e-mail: redaccion@culturagalega.org