Recensión d'Umha meixela depois a outra (2005), de Artur Alonso Novelhe. O libro consolida a voz poética do autor, que se dera a coñecer dous anos atrás con Entre os teus olhos. Nesta obra distínguense dúas temáticas principais: a amorosa e a social. Se ben a primeira permite estabelecer un elo estilístico e tonal coa obra anterior, é a segunda a que singulariza este libro. Segundo Carlos Figueiras, o individual e o colectivo fúndense na memoria, na saudade dun pasado nacional que supón unha oportunidade perdida para o eu. Poesía de denuncia, mais tamén de “respostas dadas”, confronta unha realidade insatisfactoria cun ton esperanzado á vez que crítico.