Xosé Ramón Pena, coordinador do suplemento, fai un repaso do que foi unha traxectoria de dez anos do "Faro da Cultura", publicado por vez primeira o día 9 de maio de 2002. Lembra o seu número inicial e aos colaboradores do mesmo, así como o seu precedente, o "Faro das Letras" (1993-1996), coordinado por el mesmo. No artigo indica cales son as funcións que asume o suplemento cultural e traza algunhas comparacións entre a situación cultural do país en 2002 e na actualidade.