Estudo da presenza dos animais domésticos na poesía de Rosalía de Castro en seis apartados (o gando vacún, o mular, o lanar, o can e o gato, o porco, o coello e o rato).  De todos eles, o máis mencionado pola poeta é o can que aparece con distintos atributos (fidelidade, agoiro, interlocutor e elemento de comparación). Para Isabel González, as comparacións, cuxo segundo termo conteñen un animal, son tomadas da fala cotiá. Conclúese indicando que Rosalía sente dentro de si a realidade galega e quere reflectila na súa obra, de aí a constante alusión aos animais da casa.