As cuartetas asonantadas de versos octosilábicos, nalgúns casos hexasilábicos, con rima nos versos pares, denominadas en castelán coplas, en portugués quadras, é a forma predominante da lírica tradicional de Galiza, das cantigas ou cántigas. Esta forma poética converteuse a partir da fin do século XVI na estrofa popular por excelencia da lírica popular da Península Ibérica; segundo Domingo Blanco Pérez probabelmente este xénero é unha importación da tradición oral de Castela.

Neste video podemos ver como a señora Pilar Rama Pose canta coplas de tema diferente coa mesma melodía formando series, este fenómeno xa está testemuñado desde os inicios do século XVII na lírica tradicional castelá.