Estudo do libro Saltério de Fingoi, de Ricardo Carballo Calero, centrado na procura por parte do eu poético dun "sentimento [que] transcenda o propiamente humano". O traballo está centrado na análise de catro eixes temáticos: a representación de Deus, a vida do ser humano concibida como un tránsito, o amor (e o papel dos personaxes femininos), e a morte, liberada de connotacións negativas. A autora salienta nos salmos do libro actitudes como a oración, a petición de auxilio, a confesión de desvalimento ou o desexo de protección filial.