Xoán González-Millán (1951-2002), profesor do Hunter College da City University of New York e do seu Graduate Center desde 1985 até a data do seu falecemento, foi un dos máis relevantes teóricos da literatura e da cultura dos últimos vinte anos. As súas investigacións non incidiron de forma inmediata no estudo da poesía. Porén, a maior parte dos conceptos por el analizados e postos en circulación son de aplicación directa ao subcampo poético. A bibliografía recolle a produción científica da súa autoría, incluída a de aparición póstuma. Compleméntase cunha bibliografía secundaria sobre a obra e a personalidade intelectual do teórico.