O artigo aborda a cuestión de como conceptualiza Lorca a galeguidade nos Seis poemas galegos. Logo de comentar as súas fontes de coñecemento experiencial e literario, o artigo céntrase en describir a presenza nos poemas dunha serie de oito elementos que o autor denomina "subcódigos" (o espazo, a natureza, a chuvia, o totémico, a tristeza, a cor, o folclore e a emigración) e que considera constitúen os recursos lorquianos de semiotización do seu concepto de galeguidade.