Nesta carta persoal que Manuel Forcadela envía a Luciano Rodríguez, explica algunhas das claves básicas para entender o seu poemario Refutación da musa. Os seus vencellos co mundo da música, coa psicanálise, co deconstrutivismo da figura autorial e do propio xénero poético, coa tradución -a partir da que se xeran algunhas das composicións do volume-e cos clásicos son algúns dos elementos da xénese da obra que Forcadela vai abordando nestas liñas. En canto á filiación temática da mesma, o poeta resalta a ironía, o sentimento amoroso e erótico e a ruptura cos mitos relacionados coa poesía, co particular desleixamento pola musa.