A recensión aproveita o comentario do libro para realizar unha serie de reflexións sobre os problemas periodolóxicos e taxonómicos do feito literario. A obra comentada gábase polo que ten de achega á historia e á critica literaria. Nesta liña, o neotrobadorismo é estudado por Teresa López tomando como punto de partida os cancioneiros medievais; a estudosa revélanos ata que punto foi fundamental para a súa articulación como corrente a paulatina canonización dos textos medievais. O seu estudo céntrase logo na análise polo miúdo das obras consideradas como canónicas do movemento, aínda que a reseña sinala que a perspectiva periodolóxica e antiinmanentista adoptada por Teresa López impide que cheguemos a unha caracterización identificadora. Iris Cochón remata sinalando como aspectos positivos do ensaio a exhaustividade da información manexada e a vontade de abrir vías interdisciplinares no estudo do fenómeno neotrobadoresco.

Bibliografía secundaria sobre:
neotrobadorismo; López, Teresa; imaxinismo; Manuel Antonio; ensaio; cancioneiro; lírica medieval; institución; sistema; nacionalismo; saudosismo; galeguismo; modernidade; vangarda; Cabanillas, Ramón; Biblia; Pondal, Eduardo; García Lorca, Federico; Avilés de Taramancos, Antón; Taibo, Victoriano; Viqueira, Xohán Vicente; Cunqueiro, Álvaro; Bouza-Brey, Fermín; Blanco Amor, Eduardo; Carvalho Calero, Ricardo; Díaz Jácome, Xosé; Vieira, Afonso Lopes; Armada y Losada, Juan Bautista; Marqués de Figueroa; ; Álvarez Bázquez, Xosé María; Pato, Chus; Cordal, Xavier; Méndez Ferrín, X. L.; Con pólvora e magnolias; Brais Pinto; Novoneyra, Uxío; Ferreiro, Celso Emilio; Cuña Novás, Manuel; Escola da Tebra; Fabulario novo; neopopularismo; xeración do 27; Lapa, Manuel Rodrigues.