Despois de anunciar as dificultades bibliográficas que encontran os investigadores de Rosalía de Castro e ás que intenta responder un grupo de latinistas entre os que se encontra o autor, Andrés Pociña presenta un proxecto de estudo que terá forma de libro. Este traballo permítelle redactar algunhas consideracións xerais sobre a bibliografía rosaliana tendo en conta catro apartados: os sete períodos do rosalianismo bibliográfico, as bibliografías rosalianas básicas, a presenza de Rosalía nos xornais e a ameaza bibliográfica que supón o centenario da poeta.