Alúdese ao libro Inéditos de Rosalía no que se inclúe un capítulo relativo á colaboración de Rosalía de Castro co seu home e aos orixinais rosalianos de temática folclórica cedidos pola súa filla ao autor do traballo.

Xoán Naya considera que o máis relevante da poeta está nos textos tomados da lírica popular, refire as posibles fontes lusitanas que puideron inspirala e exemplifica a través dunha cantiga.

Por último indícase que Manuel Murguía, tamén interesado na musa popular, puido incitar a familia á recolección deste tipo de textos.