NOVA ORLEÁNS, NOVA ORLEÁNS

Nova Orleáns, Nova Orleáns,
cando regresarei au teu ar de flores podres e petróleo?
Podédesmo dicir vós, Irmáns Chernier?
Cando aos teus tópicos de prostíbulo,
a toda a literatura barata da televisión.
Cando?
Pódesmo dicir ti, Professor Longhair?

Non será nun día gris
cando será erguido
o palio da nosa derrota,
mais si no azul, soleado
abrente cando terán certo sentido
as bágoas e o adeus.

Fraga infecta, po das chairas,
que lonxe me quedades agora
destas leiras cativas,
da lareira chea de fame.
Fraga infecta, po das chairas,
quen me dera morrer en Luisiana.

(De Galiza Cajun, 2009)