Reprodución facsimilar dunha edición manual das traducións ao galego que fixo Uxío Novoneyra da poesía de Mao Tse Tung nos anos oitenta. Este material foi conservado por Xosé Beiroa e destaca pola presenza da cor, abrindo unha dimension cromática pouco coñecida no autor. Ademais inclúe tres caligramas tracexados por Uxío Novoneyra xunto a tres dos seus poemas mecanografados.

O equipo de poesiagalega.org deixa constancia do seu agradecemento ao Grupo Correo Gallego e en particular a Caetano Díaz, director de Galicia Hoxe, por facilitaren a reprodución deste e doutros números de "Revista das Letras". O agradecemento diríxese tamén a Antón R. López e Montse Dopico, coordinadores do suplemento, e faise extensivo aos xornalistas, técnicos e colaboradores do mesmo.