Síntese histórica e selección de material gráfico a partir da exposición itinerante Feminismo galego: Cambios sociais e dereitos das mulleres organizada pola Asociación Galiza Sempre nos anos 2009 e 2010 co obxectivo de divulgar a historia do feminismo, focalizando a atención en Galicia. Os fondos documentais da exposición foron cedidos por Nanina Santos Castroviejo, a Fundación 10 de Marzo, o Museo do Pobo Galego, o Museo de Pontevedra e o Museo Massó.

O equipo de poesiagalega.org deixa constancia do seu agradecemento ao Grupo Correo Gallego e en particular a Caetano Díaz, director de Galicia Hoxe, por facilitaren a reprodución deste e doutros números de "Revista das Letras". O agradecemento diríxese tamén a Antón R. López e Montse Dopico, coordinadores do suplemento, e faise extensivo aos xornalistas, técnicos e colaboradores do mesmo.