Selección de poemas correspondentes ao espectáculo poético-coreográfico Game Over, montado por Branca Novoneyra e Kirenia Martínez sobre textos procedentes do libro Dentro do labirinto (2009), da autoría da propia Novoneyra. O espectáculo estreouse na sala SCQ de Santiago de Compostela no mes de decembro de 2009. Os textos veñen precedidos por unha nota de presentación debida aos coordinadores do suplemento, Antón R. López e Montse Dopico, titulada "A viaxe de Branca Novoneyra". Nela compárase a montaxe cun videoxogo.

Deseño de "Revista das Letras": Signum.

O equipo de poesiagalega.org deixa constancia do seu agradecemento ao Grupo Correo Gallego e en particular a Caetano Díaz, director de Galicia Hoxe, por facilitaren a reprodución deste e doutros números de "Revista das Letras". O agradecemento diríxese tamén a Antón R. López e Montse Dopico, coordinadores do suplemento, e faise extensivo aos xornalistas, técnicos e colaboradores do mesmo.