O autor do limiar sitúa a Gonzalo López Abente como un escritor de primeira fila dentro da xeración Antre Dous Séculos, alude á súa recepción entre os galeguistas de posguerra e recorda a lectura do poemario Centileos nas ondas.

Despois de tratar os datos biográficos máis relevantes do muxián (orixe, familia, viaxes, estudos, profesión, participación nas Irmandades da Fala e na prensa), coméntase o seu labor literario, sobre todo no xénero poético. Destácase, neste terreo, a súa experiencia clásica paneuropea para o completamento do sistema de recursos e o uso das falas vivas.

Finalmente, Méndez Ferrín indica aqueles elementos que separan a López Abente dos seus coetáneos e incide nos trazos da súa obra poética.