A lingüística actual concede cada vez máis importancia á enunciación, trasladando o seu foco de atención do enunciado para o texto. Hai aspectos como a subxectividade do discurso, a polifonía, as modalidades textuais, as formas de tratamento, o vocativo, as apóstrofes, as prosopopeas e as hipérboles que se insiren dentro dunha estilística da enunciación e que no estudo son tratados a propósito da obra de Manuel María. A análise toma en consideración as obras poéticas do escritor, mais tamén a súa produción teatral, narrativa e ensaística. Observa no conxunto a presenza de características estilísticas e enunciativas unitarias.