Artigo que valora positivamente a concesión a Lois Pereiro do Día das Letras Galegas 2011. Os argumentos empregados refírense á contemporaneidade da súa figura e ao diálogo mantido pola súa poética cos movementos contraculturais das décadas de 1980 e 1990. Ademais, saliéntase a compatibilidade que na súa obra amosan a posmodernidade e o compromiso coa esquerda política, este último materializado na escolla do galego como lingua literaria. O artigo insírese na sección da “Palestra” do xornal Novas da Galiza, onde mantén posicións contrapostas ás do artigo “Fora as vossas sujas maos (2)”, asinado por Isaac Lourido.