Artigo de Anxo Angueira no que se pretende unha revisión global de Cantares gallegos tendo en conta a relación existente entre os distintos cantares populares e cada un dos textos rosalianos que acompaña. Con este fin, o estudoso analiza a estrutura do poemario aplicando as teorías de Lotman e Greimas e cotexando co cantigueiro do pobo.

Segundo Angueira, Rosalía de Castro botaría man da literatura marxinal co fin de condensar as coordenadas políticas do Rexurdimento: a liberdade para Galicia e a transformación social (laica, democrática e progresista) a partir dos excluídos.