Fermín Bouza Álvarez recorda a ocasión na que tratou "realmente" a Lois Pereiro: unha viaxe dende Monforte ata Santander. Ademais de valorar a intervención do poeta como membro das Forzas atroces do Noroeste na UIMP, Bouza comenta a poesía do autor homenaxeado co Día das Letras Galegas 2011 e considera o mundo de Lois como "o mundo dos seus dramas íntimos e das súas paisaxes desoladas, o mundo das súas doenzas coma cans, roubándolle o espazo vital para embarcalo a destempo na viaxe inevitable".