Este estudo introdutorio que Xosé María Álvarez Cáccamo realiza á poesía de Xavier Rodríguez Baixeras sinala tanto a importancia deste creador na renovación da poesía galega nos anos 80, como as claves evolutivas e as constantes da súa obra (especialmente a importancia que teñen as imaxes oníricas de orixe memorialística na organización da súa poética). O texto publicouse orixinalmente en castelán para As aguas abandonadas. Las aguas abandonadas. Obra poética escogida (1981-1999) (1999), unha compilación da produción de Rodríguez Baixeras.