Este limiar de Xosé María Álvarez Cáccamo na obra antolóxica Cincuenta anos de Poesía Galega analiza o contexto histórico en que os e as poetas da chamada Xeración do 36 comezaron a crear. Amais, trázanse os seus nexos de unión, as súas influencias literarias e as principais escollas temático-repertoriais. Como novidade, fronte a outros estudos de poesía de posguerra, Álvarez Cáccamo inclúe nesta xeración a creadores que habitualmente se adscriben á chamada "Promoción de Enlace", como Luz Pozo Garza ou Antón Tovar.