A partir da antoloxía da poesía de Manuel Rivas titulada O pobo da noite o autor deste artigo explora as estratexias empregadas polo escritor para ampliar a difusión da súa obra poética, e en xeral da poesía galega, redefinindo o espazo da poesía e renunciando a formalismos excluíntes. Ao tempo, e a partir da especial conexión que no sistema literario galego se establece entre poesía e identidade nacional, o artigo debulla as propostas de Rivas para unha configuración identitaria resistente e esperanzada.