A autora fai unha descrición das liñas temáticas organizadoras do libro de poemas analizado e relaciónaas con outras propostas anteriores de Rafa Villar, nas que a referencia ao mar e a postulación de elementos de identidade nacional constituíron igualmente eixes vertebradores da escrita. Para Olalla Lamela serían catro as liñas existentes nunha análise temática do libro estudado: intimismo, migración, memoria histórica e intertextualidade.